സരിതായുധം

നാടകം രംഗം ഒന്ന്

സുകുമാരന് മാടംബിയുടെ പടിപ്പുര

സുകുമാരന്‍: ഡാ ബാജീ...............

പീജേ കുര്യന്‍ : അടിയന്‍

സുകുമാരന്‍: നീയെന്താടാ ബാജീ ഇവിടത്തെ അടുക്കളപ്പുറത്ത് കിടന്നു പരുങ്ങുന്നത്, അവിടെ  സൂര്യ നെല്ലിയില്‍ നിന്നും വിതുരയില് നിന്നും ഒന്നും കൊണ്ടുവന്ന കിളുന്നു പെങ്കുഞ്ഞുങ്ങള്‍ ഒന്നും ഇല്ല, ആകെപ്പാടെ എണ്പത് കഴിഞ്ഞ അടിച്ചു തളിക്കാരി നാണി വല്യമ്മ മാത്രമേ ഉള്ളു ( ആത്മഗതം - നാണി വല്യമ്മ ആയാലും നഗ്മ ആയാലും ഇവനൊക്കെ ഒരു പോലെയാ  അലക്കിയിട്ട ചുരിദാറിനെ പോലും പീഡിപ്പിക്കാന് മടിക്കാത്തവന്മാരാ)

പീജേ കുര്യന്‍ : എന്റെ വല്യ നേതാവിന് അങ്ങുന്നിനെ ഒന്നു കാണണം എന്ന് പറഞ്ഞു

സുകുമാരന്‍: ആരാടാ.. നമ്മളൊക്കെ വെറും കന്നുകാലി ക്ളാസ് ആണെന്നു കരുതുന്ന ആ ദില്ലീ നായരാണോ, മൂന്നാം കെട്ടിലെ പെണ്ണുമ്പിള്ള അറിയാതെ ഏതോ പാക്കിസ്ഥാനി പത്രക്കാരിയോട് ഏതാണ്ട് "തരാമോ" എന്ന് ചോദിച്ചവന്??

പീജേ കുര്യന്‍ : അങ്ങുന്നേ അത് "തരാമോ" എന്ന് ചോദിച്ചതല്ല പാക്കിസ്ഥാനി പത്രക്കാരിയുടെ പേരാ തരാര് "മെഹര് തരാര്". ഇത് ആ നേതാവല്ല ഇവിടുത്തെ പുതുപ്പള്ളീലെ ഉമ്മന്‍ നേതാവ്. അവിടുന്ന് പിണക്കം ഒക്കെ കളഞ്ഞ് അദ്യത്തിന്റെ സമസ്താപരാദങ്ങളും പൊറുത്ത് മാപ്പാക്കണമെന്ന് നേരിട്ട് കണ്ട് മാപ്പപേക്ഷിക്കാന്‍ വന്നതാ.

സുകുമാരന്‍: ഹും... തിരഞ്ഞെടുപ്പടുത്തപ്പം ഉമ്മന് നമ്മളെ ഒക്കെ വേണം അല്ലേ... മുന്‍പ് നമ്മടെ ചെന്നിമോന്  കളിക്കാന്‍ ഒരു താക്കോല് വേണമെന്ന് പറഞ്ഞപ്പം കേട്ട ഭാവം പോലും ഇല്ലാതിരുന്നവനാ, എന്തായാലും നീ പോയി വിളിച്ചോണ്ട് വാ. പിന്നെ നിന്റെ ആദര്ശത്തിന്റെ അസുഖമുള്ള പുത്തന്‍ പ്രസിഡണ്ട് കാണിച്ച പോലെ മതിലുചാടി പിന്നാമ്പുറത്തൂടെ വന്ന് മന്നം സമാധിയില്‍ പൂ വാരി എറിഞ്ഞിട്ട് ഓടിക്കളയരുതെന്നു പറയണം.

പീജേ കുര്യന്‍ : ഉമ്മച്ചാ.. ഓടിവാ സൂമാരദ്യം വരാന്‍ അനുവാദം തന്നൂ....

ഭവ്യതയൊടെ ഉമ്മച്ചന്‍ പ്രവേശിക്കുന്നു ഭാസ്കര പട്ടേലരുടെ മുന്നില് തൊമ്മി നില്ക്കുന്നതു പോലെ ഓശ്ചാനിച്ച് നില്ക്കുന്നു.

സുകുമാരന്‍:  എടോ ഉമ്മാ.. തനിക്ക് ഇങ്ങോട്ടുള്ള വഴി ഒക്കെ അറിയാം അല്ലേ??

ഉ.ചാ: അറിയാമോന്നോ, എന്റെ അങ്ങുന്നേ അവിടുത്തെ ക്രിപകൊണ്ടല്ലേ ഞാനൊക്കെ നിലനില്ക്കുനത് തന്നെ 

സുകുമാരന്‍: പിന്നെന്താടോ ഓണത്തിനും വിഷുവിനുമൊന്നും കാഴ്ചക്കുലകളുമായി ഇങ്ങോട്ട് വരാത്തത്

ഉ.ചാ: അത് പിന്നെ എന്റെ കൂടെയുള്ള ആ കരി നായര് സമ്മതിക്കാഞ്ഞിട്ടാ..

സുകുമാരന്‍: ആര്.. കസേര പോയ ആഭ്യന്തര ഏഭ്യനോ?? അവന് അല്ലെങ്കിലും ഇത്തിരി അഹങ്കാരം കൂടുതലാ.. നമ്മളെ ഒന്നും ഒരു ബഹുമാനവും ഇല്ല, 

ഉ.ചാ:  ശരിയാ ഒരു പെന്ഡ്രൈവ് കയ്യില് കിട്ടിയപ്പം ഇന്റലിജെന്സ് റിപ്പോര്ട്ടൊക്കെ കാട്ടി അവന് എന്നെയും വിരട്ടാന് നോക്കി, ആ വടകരയിലെ തവളക്കുഞ്ഞുങ്ങള്ക്ക് വിണു കിട്ടിയ കൊലപാതക കേസില്‍ തൂങ്ങി എന്റെ കസേരയ്ക്കും അവനൊരു കണ്ണ് വെച്ചിരുന്നു, 

സുകുമാരന്‍: എന്തായാലും വാളെടുത്തവന്‍ വാളാല്‍  എന്നു കേട്ടിട്ടില്ലേ ആ കേസ് തന്നെ അവന്റെ കസേരയും തെറിപ്പിച്ചു.

സുകുമാരന്‍: അതിരിക്കട്ട് ഞാന്‍ പല പ്രാവശ്യം പറഞ്ഞിട്ടും താന് എന്റെ ചെന്നിക്കുട്ടന് താക്കോസ്താനം നല്കാന്‍ എന്തായിരുന്നു തനിക്കൊരു മടി?

ഉ.ചാ:  അതിപ്പം ആ ആ ബ ബാ....  രൂപതേന്നും പാണക്കാട്ടുന്നും ഒക്കെ അനുവാദം കിട്ടാതെ ഞാന്‍ എന്തു ചെയ്യും, അങ്ങുന്ന് എന്നോട് ക്ഷമിക്കണം, സമസ്താപരാധങ്ങളും പൊറുത്ത് മാപ്പാക്കണം

സുകുമാരന്‍: ശരി ശരി... ഒക്കെ തല്ക്കാലത്തേക്ക് ഷമിക്കാം പക്ഷേ താന്‍ ഒരു കാര്യം ചെയ്യണം എന്നെ പാലം വലിച്ച് കിട്ടുന്ന മൈക്കിനു മുന്നിലെല്ലാം എന്നെ ചീത്ത വിളിക്കുന്ന ആ നടേശകുരുവിനിട്ട്  ഒരു പണി കൊടുക്കണം പറ്റുമെങ്കില് അവനെ അകത്താക്കി നാലു പൂശ് കൊടുക്കണം

ഉ.ചാ: ആ ആ ബ ആരെയും അകത്താക്കനുള്ള വകുപ്പൊന്നും എന്റെ കയ്യിലില്ല ഞാനകത്താകുന്നത് എപ്പോഴാന്നാ പേടി എന്നു മാത്രമല്ല നമ്മുടെ സരിതയെ കേസൊതുക്കി ജയിലില് നിന്നും ഇറക്കാന് കളിച്ച കളിയൊക്കെ നടെശഗുരു ആ ഫെനി വക്കീലിനെ ചുരണ്ടി എടുത്തിട്ടുണ്ട്, പോരാഞ്ഞിട്ട് ഗുരുവിന്റെ നാക്കിനു നല്ല മൂര്ച്ചയും.

സുകുമാരന്‍: എടോ മുള്ളിനെ മുള്ളുകൊണ്ട് എടുക്കാന് പഠിക്കണം, ഒരുകാര്യം ചെയ്യു സരിതയെ ഇറക്കി തന്നെ ആ നടേശകുരുവിനിട്ട്  ഒരു പണി കൊടുക്ക്, തനിക്ക് എന്തെങ്കിലും സഹായം വേണമെങ്കില് നമ്മുടെ ബാലക്റ് പിള്ളയോട് പറഞ്ഞാല് മതി വേണ്ടത് ചെയ്തു തരും, അയാള്ക്ക് ജയിലില് കിടക്കുമ്പം രക്തത്തില് തുരുമ്പിന്റെ അംശം കൂടുതല് ഉള്ളത് പോലെ തന്നെ പുറത്ത് നടക്കുമ്പം തലയില് കുരുട്ട് ബുദ്ദിയുടെ അംശവും കൂടുതലാണ്.

ഉ.ചാ:  ശരി അങ്ങിനെയാവട്ടെ, അത് ... പിന്നെ ആ.. ബ ബ ഇപ്രാവശ്യം ഇലക്ഷനില് ഞ്ഞങ്ങളെ സഹായിക്കണം ആ സമദൂരം എന്നൊന്നും പറയരുത് 20 ഇല് ഒന്നോരണ്ടോ സീറ്റെങ്കിലും ബ ബ  കിട്ടിയില്ലെങ്കില് എന്റെ കസേര തെറിക്കും, കേന്ദ്രത്തിലെ കസേര പോയ അന്തോനിച്ചന്‍ ഇവിടൊക്കെ കറങ്ങി നടക്കുന്നുണ്ട്.

സുകുമാരന്‍: ഉമ്മച്ചന് ഒന്നുകൊണ്ടും ധൈര്യപ്പെടേണ്ട ഇപ്രാവശ്യവും ഞാന് "ശശിദൂരം" തന്നെ

ഉ.ചാ: അപ്പം ഞാനും ബാജീം കൂടെ അങ്ങോട്ട്.....

കര്ട്ടന്

ബാക്കി ഒക്കെ നിങ്ങള് ഇന്നു ചാനലുകളില് കണ്ടുകഴിഞ്ഞു

സരിത രംഗത്തെത്തുന്നു നടേശഗുരുവിനെയും തുഷാരഗുരുവിനെയും ഭീഷണിപ്പെടുത്തുന്നു

ബാക്കി എന്തൊക്കെ കാണാനിരിക്കുന്നു.. ആര് ആരെ ഒതുക്കുമെന്നും ആര്ക്കിട്ടൊക്കെ പണി കിട്ടുമെന്നും കാത്തിരുന്നു കാണാം