2013, മാർ 13

ഊമ്പപ്പാ വരാല് വെള്ളത്തില്‍.


കടലില്‍ മലയാളികളായ രണ്ട് മത്സ്യബന്ധന തൊഴിലാളികളെ വെടിവെച്ചുകൊന്ന ഇറ്റാലിയന്‍ സൈനികരെ ഇന്ത്യയിലേക്ക് മടക്കി അയക്കുകയില്ലെന്നുള്ള ഇറ്റലിയുടെ പ്രഖ്യാപനം യു പി എ സര്‍ക്കാരിനേറ്റ മറ്റൊരു പ്രഹരമാണ്. 


ജനദ്രോഹ നടപടികള്‍ ഒന്നൊന്നായി ചെയ്ത് കൊണ്ടിരിക്കുന്ന കേന്ദ്രസര്‍ക്കാരിന്റെ മറ്റൊരു ജനവിരുദ്ധ നടപടിയായിരുന്നു ഇറ്റാലിയന്‍ സൈനികര്‍ക്ക് പാര്‍ലമെന്റ് തെരഞ്ഞെടുപ്പില്‍ വോട്ടുചെയ്യാനായി നാട്ടിലേക്ക് പോകാന്‍ ജാമ്യം അനുവദിക്കാം എന്ന നിലപാട്. 


നീണ്ടകരയില്‍ നിന്നു കടലില്‍ പോയ ബോട്ടിലെ രണ്ടു തൊഴിലാളികളെയാണ് ഇറ്റാലിയന്‍ എണ്ണക്കപ്പലിലെ സുരക്ഷാഭടന്മാരായ ലസ്‌തോറെ മാസിമിലിയാനോയും സല്‍വത്തോറെ ലിയോണും ചേര്‍ന്ന് വെടിവെച്ചു കൊലപ്പെടുത്തിയത്. കഴിഞ്ഞവര്‍ഷം ഫെബ്രുവരി 15-നായിരുന്നു സംഭവം. തുടക്കം മുതല്‍ തങ്ങളുടെ സൈനികരെ ഇന്ത്യയില്‍ നിന്ന് കടത്തിക്കൊണ്ടുപോകാന്‍ ഇറ്റലി എല്ലാ ശ്രമങ്ങളും നടത്തിയിരുന്നു. ഇന്ത്യന്‍ സമുദ്രാതിര്‍ത്തിക്കു പുറത്തായിരുന്നു സംഭവമെന്നും അതുകൊണ്ട് സൈനികരെ വിചാരണ ചെയ്യാന്‍ ഇന്ത്യക്ക് അധികാരമില്ലെന്നുമായിരുന്നു ഇറ്റലിയുടെ വാദം. കേരളത്തില്‍ ഈ സംഭവം ഉളവാക്കിയ ശക്തമായ പ്രതിഷേധവും ജനരോഷവുമാണ് ഇവര്‍ക്കെതിരേ കേസെടുത്ത് ഇവിടെത്തന്നെ വിചാരണ ചെയ്യാനുള്ള സാഹചര്യമൊരുക്കിയത്.


കൊലപാതകക്കേസില്‍ പ്രതികാളണെങ്കിലും വിദേശികള്‍ എന്നതു കണക്കിലെടുത്ത് പ്രത്യേക പരിഗണന നല്‍കിയാണ് ഇവരെ തടവില്‍ പാര്‍പ്പിച്ചത്. ജയിലിനു പകരം റസ്റ്റ് ഹൗസില്‍ കഴിയാന്‍ അനുവദിച്ചിരുന്നു. ബന്ധുക്കള്‍ക്കൊപ്പം ക്രിസ്മസ് ആഘോഷിക്കാന്‍ നാട്ടിലേക്കു പോകാന്‍ കഴിഞ്ഞ ഡിസംബര്‍ 22ന് കോടതി ഇവര്‍ക്ക് അനുവാദം നല്‍കി. ജനുവരി 10ന് തിരിച്ചെത്തണമെന്നായിരുന്നു വ്യവസ്ഥ. കര്‍ശന ഉപാധികളോടെയായിരുന്നു ജാമ്യം അനുവദിച്ചത്. സംസ്ഥാന സര്‍ക്കാര്‍ ജാമ്യം നല്‍കുന്നതിനോട് അനുകൂലമായിരുന്നു. 


ഇനി ഇവര്‍ മടങ്ങിവരാന്‍ പോകുന്നില്ലെന്നുള്ള വിമര്‍ശനത്തിന്റെ മുന ഒടിച്ച് ആറുദിവസം മുമ്പുതന്നെ സൈനികര്‍ കേരളത്തില്‍ തിരിച്ചെത്തി എല്ലാവരെയും ഞെട്ടിച്ചു. ഇതിനുശേഷമാണ് സുപ്രീംകോടതി ഇടപെട്ട് കേസിന്റെ വിചാരണയും സൈനികരുടെ തടവ് ചുമതലയുമൊക്കെ തങ്ങളുടെ നിയന്ത്രണത്തിലാക്കിയത്. സൈനികരെ ഡല്‍ഹിയിലെ ഇറ്റാലിയന്‍ എംബസിയില്‍ കഴിയാന്‍ അനുവദിക്കുകയും ചെയ്തു. ഇത് വിമര്‍ശനത്തിനിടയാക്കിയിരുന്നു.


തുടക്കംമുതല്‍ തങ്ങളുടെ സൈനികരെ രക്ഷിക്കാന്‍ എല്ലാ ശ്രമങ്ങളും നടത്തിവന്ന ഇറ്റാലിയന്‍ സര്‍ക്കാര്‍ ദേശിയ തെരഞ്ഞെടുപ്പ് ആയുധമാക്കി അവര്‍ക്ക് ജാമ്യം അനുവദിപ്പിക്കാന്‍ അടുത്ത നീക്കം നടത്തി. വോട്ടു ചെയ്യാനായി സൈനികര്‍ക്ക് ജാമ്യം അനുവദിക്കണമെന്നുള്ള ഇറ്റലിയുടെ ആവശ്യം അംഗീകരിക്കപ്പെട്ടു. എല്ലാ നയതന്ത്ര സന്നാഹങ്ങളും ശക്തമായി ഉപയോഗിച്ചുകൊണ്ടായിരുന്നു ഇറ്റലി ഇതിനായി നീക്കം നടത്തിയത്. ഇറ്റലിയെന്നു കേള്‍ക്കുമ്പോള്‍ മുട്ടുവിറയ്ക്കുന്ന കേന്ദ്രസര്‍ക്കാര്‍ ജാമ്യത്തിന് അനുകൂലമായിരുന്നു. അതോടെ ഇറ്റാലിയന്‍ അംബാസിഡറുടെ സത്യവാങ്മൂലത്തിന്റെ മാത്രം അടിസ്ഥാനത്തില്‍ സുപ്രീംകോടതി സൈനികര്‍ക്ക് ജാമ്യം അനുവദിക്കുകയായിരുന്നു. ഫെബ്രുവരി 22നായിരുന്നു ഇത്. നാലാഴ്ച കഴിയുമ്പോള്‍ മടങ്ങി എത്തണമെന്നായിരുന്നു കോടതി നിര്‍ദ്ദേശം. 


രണ്ട് ഇന്ത്യാക്കാരെ കൊലപ്പെടുത്തിയ ഇവര്‍ക്ക് നിസാര കാര്യത്തിനു ജാമ്യം അനുവദിക്കരുതെന്ന് ഒട്ടേറെ കേന്ദ്രങ്ങളില്‍ നിന്ന് ആവശ്യം ഉയര്‍ന്നിരുന്നു. അതൊക്കെ അവഗണിച്ച് ജാമ്യം അനുവദിച്ചെന്നു മാത്രമല്ല, കര്‍ശന വ്യവസ്ഥകള്‍ മുന്നോട്ടുവയ്ക്കാന്‍ കോടതി തയ്യാറായതുമല്ല. ഇറ്റാലിയന്‍ അംബാസിഡറുടെ ഉറപ്പ് അവിശ്വസിക്കേണ്ടതില്ലെന്നായിരുന്നു കേന്ദ്രസര്‍ക്കാരിന്റെയും നിലപാട്.


ആശങ്കകള്‍ ശരിവയ്ക്കുംവിധം ഒരു ബോംബ് സ്‌ഫോടനം പോലെ ഇറ്റലിയുടെ പ്രഖ്യാപനം വന്നിരിക്കുകയാണ്. തങ്ങളുടെ സൈനികരെ വിചാരണയ്ക്കായി ഇന്ത്യയിലേക്ക് അയക്കില്ലെന്ന് ഇറ്റലി നമ്മുടെ വിദേശകാര്യ മന്ത്രാലയത്തെ അറിയിച്ചു. മനഃസാക്ഷി ഉള്ളവരൊക്കെ ഞെട്ടിയെങ്കിലും കേന്ദ്രസര്‍ക്കാരിന്റെ അമരക്കാര്‍ ഞെട്ടിയിരിക്കാന്‍ സാധ്യതയില്ല. കാരണം, ഇറ്റാലിയന്‍ സര്‍ക്കാരും കേന്ദ്രസര്‍ക്കാരും ചേര്‍ന്നുള്ള ഒരു നാടകമായിരുന്നു സൈനികരുടെ ജാമ്യനടപടി എന്ന് സംശയിക്കേണ്ടിയിരിക്കുന്നു. ഒരുപക്ഷേ, കേന്ദ്രസര്‍ക്കാര്‍ കോടതിയെയും സ്വാധീനിച്ചിരിക്കാം. സൈനികരുടെ തിരിച്ചുവരവ് നിര്‍ബന്ധിതമാക്കുന്ന കര്‍ശന വ്യവസ്ഥകള്‍ ഇല്ലാതെ ജാമ്യം അനുവദിക്കാനുള്ള കാരണം അതാവാം.



ഇറ്റാലിയന്‍ സര്‍ക്കാരിന്റെ നിലപാട് അംഗീകരിക്കാന്‍ കഴിയുകയില്ലെന്നും സൈനികരെ വിട്ടുകിട്ടാന്‍ എല്ലാ നടപടികളും കൈക്കൊള്ളുമെന്നും കേന്ദ്രസര്‍ക്കാര്‍ വ്യക്തമാക്കിയിട്ടുണ്ട്. (:-( ഇറ്റാലിയന്‍ അംബാസിഡറെ വിദേശകാര്യമന്ത്രാലയത്തിലേക്ക് വിളിച്ചുവരുത്തി സര്‍ക്കാരിന്റെ പ്രതിഷേധം അറിയിക്കുകയും ചെയ്തു. ഇനി ഈ വിഷയത്തില്‍ ആത്മാര്‍ത്ഥതയില്ലാത്ത കുറെ പ്രഖ്യാപനങ്ങളും പതിവു ചട്ടക്കൂട്ടില്‍ ഒതുങ്ങുന്ന നടപടികളും ഉണ്ടാകും. അവയൊന്നും സൈനികരെ ഇന്ത്യയിലെത്തിക്കാന്‍ സഹായിക്കുകയില്ല.



തങ്ങളുടെ സൈനികരെ തിരിച്ചയക്കുകയില്ലെന്ന് തിങ്കളാഴ്ച വൈകുന്നേരം ഇറ്റാലിയന്‍ സര്‍ക്കാര്‍ വിദേശകാര്യമന്ത്രാലയത്തെ അറിയിച്ചതാണ്. ഇന്നലെ രാവിലെ പ്രധാനമന്ത്രിയെ കണ്ട് ആവലാതി പറയാന്‍ പാഞ്ഞെത്തിയ കേരളത്തില്‍നിന്നുള്ള എംപിമാരോട് അദ്ദേഹം പറഞ്ഞത് പത്രവാര്‍ത്തയില്‍ നിന്നാണ് താന്‍ ഇക്കാര്യം അറിഞ്ഞതെന്നാണ്! ഇറ്റാലിയന്‍ സര്‍ക്കാരിന്റെ നടപടി അംഗീകരിക്കാന്‍ കഴിയുകയില്ലെന്നും അദ്ദേഹം അഭിപ്രായപ്പെട്ടിരുന്നു. ഇന്നലെ വൈകുന്നേരംതന്നെ ഈ നിലപാട് തിരുത്തിയ പ്രധാനമന്ത്രി ആരെയാണ് പേടിക്കുന്നതെന്നാണ് അറിയേണ്ടത്.


ഒരു വിദേശരാജ്യത്ത് കൊലക്കുറ്റത്തിന് ജലിലിലായ തങ്ങളുടെ രണ്ട് പൗരന്മാരെ രക്ഷിക്കാന്‍ ഇറ്റലി കാട്ടിയ ശുഷ്കാന്തി ഇന്ത്യന്‍ ഭരണാധിപന്മാരെ ലജ്ജിപ്പിക്കേണ്ടതാണ്. കാരണം വിസയുടെ കാലവധി കഴിഞ്ഞും തങ്ങി, മതിയായ രേഖകള്‍ ഇല്ലാതെ എത്തി ജോലി നേടി തുടങ്ങിയ വിസ ചട്ടങ്ങളുടെയും അല്ലറ ചില്ലറ മോഷണത്തിന്റെയുമൊക്കെ പേരില്‍ 6569 ഇന്ത്യക്കാര്‍ വിദേശരാജ്യങ്ങളില്‍ ജയിലില്‍ കഴിയുന്നുണ്ട്. ഇവരില്‍ ചെറിയൊരു ശതമാനമാണ്.മയക്കുമരുന്നുകടത്ത്, ബലാല്‍സംഗം മുതലായ കടുത്ത കുറ്റങ്ങള്‍ ചെയ്തിട്ടുള്ളത്. അവശേഷിക്കുന്ന വലിയൊരു വിഭാഗത്തെ രക്ഷിക്കാന്‍ ഇന്ത്യന്‍ എംബസികള്‍ ഒന്നും ചെയ്യുന്നില്ലെന്ന് പരാതി വ്യാപകമാണ്. 

എന്തിന് സോമാലിയയിലും ഫിലിപ്പീന്‍സിലും അഫ്ഗാനിസ്ഥാനിലും കൊള്ളക്കാരുടെയും തീവ്രവാദികളുടെയും തടവിലായ സ്വന്തം പൗരന്മാരെപ്പോലും മോചിപ്പിക്കുവാന്‍ യധാവിധി ഇടപെടാന്‍ സാധിക്കാത്ത ഇന്ത്യയിലെ ഭരണാധികാരികള്‍ ഇറ്റാലിയന്‍ കൊലയാളികളെ തിരികെ എത്തിക്കാന്‍ ആവശ്യമായ നടപടി സ്വീകരിക്കുമെന്ന് ഈ രാജ്യത്തെ ഒരു പൂച്ചക്കുഞ്ഞുപോലും വിശ്വസിക്കില്ല.


വാറന്‍ ആന്‍ഡേഴ്സണെ പൊലെ, ഒക്ടാവിയോ ക്വട്രോച്ചിയെ പോലെ, ഡേവിഡ് കോള്‍മാന്‍ ഹെഡ്ലിയെ പോലെ, ലസ്‌തോറെ മാസിമിലിയാനോയും സല്‍വത്തോറെ ലിയോണും ഇന്ത്യന്‍ നീതിന്യായ വ്യവസ്ഥയെ കൊഞ്ഞനം കുത്തി സ്വന്തം നാട്ടില്‍ സര്‍വ സൗകര്യങ്ങളോടെയും സ്വതന്ത്രരായി വിരാജിക്കും. ഇവിടെ ഉന്നതരുടെ അരമനകളിലും അധികാരകേന്ദ്രങ്ങളിലും ആഹ്ലാദത്തിന്റെ വെളുത്ത പുക ഉയരും.

ഈ സാഹചര്യത്തില്‍ ഈ തിരുട്ടു നാടകത്തില്‍ പങ്കാളിത്തമില്ലാത്ത മുഴുവന്‍ ഭാരതീയരോടും പറയാന്‍ ഒറ്റ വാചകമേ മനസില്‍ വരുന്നുള്ളു

ഊമ്പപ്പാ വരാല് വെള്ളത്തില്‍

6 അഭിപ്രായ(ങ്ങള്‍):

അജ്ഞാതന്‍ പറഞ്ഞു...

=D

അജ്ഞാതന്‍ പറഞ്ഞു...

ha ha ha

അജ്ഞാതന്‍ പറഞ്ഞു...

http://4malayalees.com/index.php?page=newsDetail&id=31459

പത്രക്കാരന്‍ പറഞ്ഞു...

നാണക്കെടാണിത്. രാജ്യാന്തര നാണക്കേട്‌..
നട്ടെല്ലുള്ള ആണ്‍കുട്ടികള്‍ ഉണ്ടെങ്കില്‍ ഈ ദാരിദ്രരാജ്യത്തിനും അവരെ തിരിച്ചുകൊണ്ട് വരാന്‍ ഒരുപാടും ഇല്ല. നയതന്ത്രമോക്കെ പിന്നെ നോക്കാം.

ഫോണ്ട് ഒന്ന് ചെറുതാക്കികൂടെ?

aboothi:അബൂതി പറഞ്ഞു...

ഉജ്ജ്വലം ചങ്ങാതീ ഉജ്ജ്വലം
ആശംസകൾ

ajith പറഞ്ഞു...

ഇറ്റലിക്കാരെ കണ്ടുപഠിയ്ക്കണം നമ്മള്‍
കൊലയാളികളാണെങ്കിലും അവരുടെ പൌരന്മാര്‍ക്ക് വേണ്ടി അവര്‍ ഇടപെടുന്ന രീതികള്‍ കണ്ടോ?